ئەگەری دروستبوونی لافاو لە کەرکووک هەیە

لە ئەگەری دروست بوونی لافاو ئاوەڕۆی کەرکووک هاووڵاتییان ئاگادار دەکاتەوە و داوا دەکات پاشماوە فڕێ نەدەنە نێو دەرچەی ئاوەڕۆ.

ئەمڕۆ هەینی بەڕێوەبەرایەتی ئاوەڕۆی کەرکووک ڕایگەیاند، لە ئەگەری بارانبارینی بە خوڕ ناوچەكانی (شۆراو، پەنجاعەلی، سەیادە، و ناوچەکانی دەوروبەری ناوەندی شار) ئاگاداردەكەینەوە، لە هەندێك لەو ناوچانە دۆڵ هەیە بە شێوەیەکی هەڕەمەکی پڕ کراوەتەوە و بینای لەسەر دروستکراوە، ئەمەش دەبێتە هۆی دروستبوونی لافاو.

 بەڕێوەبەرایەتییەکە داوا لە هاووڵاتییانی نزیک ئەم دۆڵانە دەکات وریا بن و لێیان دوور بکەونەوە، هاوکات دەرچەی ئاوەڕۆ و پاشماوە فڕێنەدەنە نێو ئاوەڕۆوە بۆ ئەوەی نەگیرێت و لافاو دروست نەبێت.