مه‌سرور بارزانی 10 ئه‌مبوڵانسی بۆ سۆران دابینكرد

له‌ چوارچێوه‌ی خزمه‌تكردن به‌ كه‌رتی ته‌ندروستی و به‌ره‌و پێشبردنی ئه‌م كه‌رته‌ سه‌رۆكوه‌زیران بڕیاری دابینكردنی 10 ئه‌مبوڵانسی بۆ ئیداره‌ی سه‌ربه‌خۆی سۆران ده‌ركرد.

ئه‌مڕۆ پێنجشه‌ممه‌ به‌ڕێوه‌به‌رایه‌تی ته‌ندروستی سۆران ئاشكرای كرد، له‌ژێر ڕاسپارده‌ و فه‌رمانی سه‌رۆكوه‌زیران مه‌سرور بارزانی 10 ئه‌مبوڵانسی پێشكه‌وتوو و مۆدێرن و نوێ بۆ نه‌خۆشخانه‌ جیاوازه‌كانی ئیداره‌ی سه‌ربه‌خۆی سۆران دابینكرا.

به‌گوێره‌ی زانیارییه‌كان، ڕۆژی یه‌كشه‌ممه‌ی هه‌فته‌ی داهاتوو ئه‌و ئه‌مبوڵانسانه‌ به‌سه‌ر نه‌خۆشخانه‌كانی ئیداره‌ی سه‌ربه‌خۆی سۆران دابه‌ش ده‌كرێت و بۆ ئه‌م مه‌به‌سته‌ ڕێوه‌ره‌سمێكی شایسته‌ی بۆ ڕێكده‌خرێت.

ئه‌مه‌ له‌كاتێكدایه‌، كابینه‌ی نۆیه‌می حكومه‌تی هه‌رێمی كوردستان زۆرترین خزمه‌تی كه‌رتی ته‌ندروستی كردووه‌ و هه‌موو كات كاری بۆ به‌ره‌و پێشبردن و به‌رزكردنه‌وه‌ی ئاستی كه‌رته‌كه‌ كردووه‌.