مەسرور بارزانی سەرەخۆشی لە تورکیا دەکات
سەرۆکوەزیران مەسرور بارزانی پەیامێکی لەبارەی ڕووداوی تێکشانی فڕۆکەیەکی تورکیا بڵاوکردەوە
سەرۆکوەزیرانی هەرێم لەسەر ڕووداوی تێکشکانی فڕۆکەکەی تورکیا سەرەخۆشی لە بنەماڵە و کەسوکاری قوربانییانیەکان و وڵاتەکە.
ئەمڕۆ چوارشەممە سەرۆکوەزیران مەسرور بارزانی لە ڕایگەیەندراوێکدا سەرەخۆشی لە کۆماری تورکیا کرد بۆ قوربانییانی ڕووداوی کەوتنەخوارەوەی فڕۆکەیەکی بارهەڵگری سەربازیی تورکیا لە جۆرجیا.
مەسرور بارزانی لە پەیامێکدا بۆ هاکان فیدان، وەزیری دەرەوەی تورکیا، پرسە و سەرەخۆشی لە بنەماڵە و کەسوکاری قوربانییانی ڕووداوەکە و حکومەت و گەلی تورکیا کرد.
ئەمە لە کاتێکدایە، دوێنێ فڕۆکەیەکی بارهەڵگری سەربازی تورکیا لە جۆری C-130 لە نزیک سنووری ئازەربایجان لە خاکی جۆرجیا لە کاتی گەڕانەوەی بۆ وڵاتەکەی لە ئاسمان تێکشا و کەوتەخوارەوە، تێیدا 20 سەرباز و ئەفەسەری پلە باڵا گیانیان لەدەستدا.
