حکومەتی هەرێمی کوردستان پشووی فەرمی ڕاگەیاند

بەبۆنەی بەڕێوەچوونی هەڵبژاردنی ئەنجوومەنی نوێنەرانی عێراق، حکومەتی هەرێمی کوردستان پشووی فەرمی بۆ تەواوی فەرمانبەرانی ڕاگەیاند.

ئەمڕۆ شەممە فەرمانگەی میدیا و زانیاری حکومەتی هەرێمی کوردستان بڵاویکردەوە، بە مەبەستی ڕەخساندنی ئاسانکاریی بەشداری لە پرۆسەی هەڵبژاردن، بۆ فەرمانبەرانی حکومەتی هەرێم کە لە ناوچە کوردستانییەکانی دەرەوەی ئیدارەی هەرێم دەنگ دەدەن بڕیاردرا کە ڕۆژی دووشەممە و سێشەممە 10 و 11ـی 11ـی 2025 پشوو دەبێ.

فەرمانگەی میدیا و زانیاری حکومەتی هەرێمی کوردستان جەختی لەوەشکردەوە، تەواوی فەرمانبەرانی هەرێم ڕۆژی سێشەممە 11ـی ـ11ی 2025 پشووە.