سبەی دابەشکردنی نەوت دەستپێدەکات

ماوەی 3 ڕۆژە دابەشکردنی نەوتی سپی بەسەر هاووڵاتییانی هەڵەبجە ڕاگیراوە و بڕیارە سبەی دابەشکردنەکە دەستپێبکاتەوە.

ئەمڕۆ شەممە بەڕێوەبەرایەتی نەوت و کانزاکانی هەڵەبجە لە ئاگادارییەکدا رایگەیاند، سبەی دابەشکردنی نەوتی سپی لە (گەرەکی شافعی، مزگەوتی مصعب، مزگەوتی عومەری کوری خطاب، قوتابخانەی هەڵەبجەی بنەرەتی، مارکێتی 16-3، مزگەوتی ئیمام علی، چوارریانی نزیک مزگەوتی شیفا، نەخۆشخانەی شەهید فاتح، مزگەوتی قوبا، فەرمانبەران، ڤێتەرنەری، مزگەوتی گەیلانی خوار بەنزینخانە کۆنەکە، پشت کتێبخانەی گشتی و مزگەوتی هاوکاری) دەستپێدەکاتەوە.

پێشووتر بەڕێوەبەرایەتی نەوت و کانزاکانی هەڵەبجە ڕایگەیاندبوو، کە بەهۆی بەڕێوەچوونی فێستیڤاڵی هەنار و پایزە دابەشکردنی پڕۆسەی نەوت  تا دوای فێستیڤاڵەکە ڕادەگیرێت.