بە 3 ڕۆژ مووچە دابەش دەکرێت
وەزارەتی دارایی هەرێم لیستی مووچەی مانگی 8 بڵاوکردەوە
وەزارەتی دارایی لیستی مووچەی مانگی 8ـی مووچەخۆرانی هەرێمی کوردستان بڵاوکردەوە و بە 3 ڕۆژ مووچە بەسەر فەرمانبەراندا دابەش دەکات.
ئەمڕۆ یەکشەممە وەزارەتی دارایی و ئابووری حکومەتی هەرێمی کوردستان لە راگەیەندراوێکدا جەختی لەوەکردەوە، ڕۆژی دووشەممە ڕێکەوتی 27ـی 10ـی 2025، دەست بەدابەشکردنی مووچەی مانگی ئابی فەرمانبەران و مووچەخۆرانی هەرێمی کوردستان دەکرێت.
بەگوێرەی ڕاگەیەندراوی وەزارەتی دارایی و ئابووری، ڕۆژی چوارشەممە 29ـی 10ـی 2025، کۆتایی بەدابەشکردنی مووچەی مانگی 8ـی مووچەخۆران دێت.
ئەمە لەکاتێکدایە، وەزارەتی دارایی فیدراڵ بڕی 945 ملیار و 817 ملیۆن دیناری وەک تەمویلی مووچەی مانگی ئابی فەرمانبەران و مووچەخۆرانی هەرێمی کوردستان خستە سەر هەژماری بانکی وەزارەتی دارایی و ئابووری هەرێمی کوردستان لەلقی هەولێری بانکی ناوەندی عێراق.
