لە بەغداوە بڕی 945 ملیار و 817 ملیۆن دینار نێردرا
وەزارەتی دارایی هەرێم: تەموویلی مووچەی مانگی 8 خرایە سەر هەژماری بانکیمان
وەزارەتی دارایی فیدراڵ تەموویلی مووچەی مانگی 8ـی مووچەخۆرانی هەرێمی کوردستانی خستە سەر هەژماری وەزارەتی دارایی هەرێم.
ئەمڕۆ یەکشەممە وەزارەتی دارایی و ئابووری حکومەتی هەرێمی کوردستان لە ڕاگەیەندراوێکدا ئاشکرای دەکات، بڕی 945 ملیار و 817 ملیۆن دیناری وەک تەمویلی مووچەی مانگی ئابی فەرمانبەران و مووچەخۆرانی هەرێمی کوردستان خرایە سەر هەژماری بانکی وەزارەتی دارایی و ئابووری هەرێمی کوردستان لەلقی هەولێری بانکی ناوەندی عێراق.
جێگەی باسە، چاوەڕوان دەکرێت لە چەند کاتژمێری داهاتوودا وەزارەتی دارایی هەرێمی کوردستان لیستی مووچەی مانگی 8 بڵاوبکاتەوە.
لە ڕۆژی سێشەممە 21ـی 10ـی 2025، وەزارەتی دارایی و ئابووری هەرێمی کوردستان بڕی 120 ملیار دیناری وەک داهاتی نانەوتی کوردستانی خستە سەر هەژماری بانگی وەزارەتی دارایی فیدراڵ.
