خوێندنی باڵا بڕیارێکی گرنگی بۆ ئەنجامدانی دەستەبەری قوتابییان دا

لەدوای ڕاگەیاندنی ناوی وەرگیراوانی قوتابییان بۆ زانکۆ و پەیمانگا حکومییەکان، وەزارەتی خوێندنی باڵا بڕیارێکی گرنگی بۆ وەرگیراوان لەبارەی ئەنجامدانی دەستەبەر (کەفالەت) دەرکرد.

ئەمڕۆ پێنجشەممە وەزارەتی خوێندنی باڵا و توێژینەوەی زانستی حکومەتی هەرێمی کوردستان بڵاویکردەوە، بەمەبەستی ئاسانکاری بۆ ڕایکردنی مامەڵەی وەرگیراوانی ئەمساڵی خوێندنی (2025-2026) سەبارەت بە ئەنجامدانی دەستەبەر (کەفالەت) بڕیارێکی گرنگیان دا.

وەزارەتی خوێندنی باڵا، بڕیاریدا دەسەڵاتی دادنووسی بدات بە بەڕێوەبەری کاروباری یاسایی لە سەرۆکایەتی زانکۆ و پەیمانگە حکومییەکان بۆ راییکردنی کاروباری دەستەبەر (کەفالەت) بۆ خوێندکاران و قوتابییان.

لە ڕۆژی 14ـی 10ـی 2025، وەزارەتی خوێندنی باڵا و توێژینەوەی زانستی لە کۆنفرانسێکی ڕۆژنامەوانیدا ناوی وەرگیراوانی لە سیستەمی زانکۆ ڵاین ڕاگەیاند.