لە دوای جەنگی 12 ڕۆژەوە بەرپرسانی ئێران مۆبایل بەکار ناهێنن
کورتە
لە دوای جەنگە 12 ڕۆژەکەیان لەگڵ ئیسرائیل بەرپرسانەی ئێران وازیان لە بەکارهێنانی مۆبایل هێناوە
بەرپرسانی ئێران لە ترسی سیخوڕییەکانی مۆساد و تیرۆکردنی بەرپرسەکانیان مۆبایل بەکار ناهێنن.
عیززەتوڵڵا زەرغامی، بەرپرسی پێشووی ڕادیۆ و تەلەفزیۆنەکانی ئێران کە لە کابینەی ئیبراهیم ڕەئیسیدا، وەزیری میراتی کەلتووری و گەشتیاریی وڵاتەکەی بووە لە پلاتفۆڕمی (ئێكس) ڕەخنەی تووندی لە بەرپرسانی ئێران گرت و نووسی، لەم ڕۆژانەی ئێستا کە پەیوەندی بە هەندێک کەس دەکەیت، کە چەندین بەرپرسیاریەتییان هەیە، دەڵێن مۆبایلییان نییە و شوێنی نیشتەجێبوونیان نادیارە.
عیززەتوڵڵا زەرغامی داواش دەکات پاراستنی کەسایەتییەکان نەمێنێت و دۆخی نێوان بەرپرسانی بەڕێوەبەری و سیاسیی وڵاتەکەی ئاسایی بکرێتەوە، دانانی پاسەوان جگە بۆ هەندێک کەسی تایبەت، بۆ بەرپرسان و کەسایەتییەکان دانەندرێت.
ئەمە لە کاتێکدایە، لە ماوەی جەنگی 12 ڕۆژەی نێوان و ئێران و ئیسرائیل، دەیان سەرکردە و زانای پڕۆگرامی ئەتۆمی ئێران لەلایەن ئیسرائیلەوە کوژران، ئەمەش بە هۆی هەوڵی بەردەوامی دەزگای هەواڵگری و ئۆپەراسیۆنی تایبەتی ئیسرائیل - مۆساد لە سیخوڕیکردن لەو وڵاتە ئەنجامدراوە.
هەڵبژاردنەکانی پێشکەشکردن
