ئۆتۆمبێلێک لە ئەزمەڕ کەوتە خوارەوە و شۆفێرەکەی بە سەختی بریندارە
ئۆتۆمبێلێكی جۆری ئێم جی لە چیای ئەزمەڕی شاری سلێمانی كەوتە خوارەوە و شۆفێرەكەی بە سەختی بریندارە
ئەمشەو هاووڵاتییەک بە ئۆتۆمبێلەکەی لە چیای ئەزمەڕ دەکەوێتە خوارەوە و بریندار دەبێت، لەمبارەیەوە بەڕێوەبەری سەنتەری فریاکەوتنی خێرای سلێمانی زانیاری دەخاتەڕوو.
ئەمڕۆ یەکشەممە سامان نادر، بەڕێوەبەری سەنتەری فریاکەوتنی خێرای سلێمانی بە پایتەخت میدیای ڕاگەیاند، دوو کاتژمێر لەمەوبەر لەلایەن هاووڵاتییەکەوە ئاگادار کرانەوە لە ڕووداوێکی هاتووچۆ لە چیای ئەزمەڕ.
لە بەشێکی دیکەی قسەکانیدا جەخت لەوە دەکاتەوە، ڕووداوەکە کەوتنە خوارەوەی ئۆتۆمبێلێکی جۆری ئێم جی بوو لە چیای ئەزمەڕ و شۆفێرەکەی بریندار بووە، لەلایەن تیمەکانیان ڕەوانەی نەخۆشخانە شار کراوە.
بەگووتەی بەڕێوەبەری سەنتەری فریاکەوتنی خێرای سلێمانی، لە ئێستادا شۆفێرەکە باری تەندروستی جێگیرە و لە ژێر چاودێریی پزیشکدایە.
