دابەشکردنی نەوتی ماڵان دەستی پێکرد 

لەگەڵ نزیک بوونەوەی وەرزی سەما و سۆڵە، نەوتی پێویست بۆ پارێزگا و ئیدارە سەربەخۆکان ئامادەکرداوە و بەشێکی نێردراوە، ئەمڕۆ دەست بە دابەشکردنی دەکرێت.

بە گوێرەی ڕاگەیەندراوێکی بەڕێوەبەرایەتی ناحیەی وەرتێ، ئەمڕۆ یەکشەممە لە دوای نیوەڕۆوە لە بەنزینخانەی وەرتێ دەست بە دابەشکردنی نەوتی ماڵان دەکرێت.

لە ڕاگەیەندراوەکەدا هاتووە، بۆ هەر خێزانێک بڕی 200 لیتر نەوتی سپی دابین کراوە، نرخی ئەو 200 لیترەش بە 103 هەزار و 500 دینار دیاری کراوە.

هاوکات بەرێوەبەرایەتییەکە هاووڵاتییان ئاگادار دەکاتەوە بۆ وەرگرتنی بەشە نەوتەکەیان پێویستە کۆپی کارتی نیشتمانی یاخود کۆپی پسوولەی خۆراکیان پێ بێت.