مەسرور بارزانی سلێمانی لە کێشەی کەمئاوی رزگار دەکات

دوای ڕەزامەندی سەرۆکی حکومەتی هەرێمی کوردستان، بۆ ماوەی 30 ساڵ کێشەی کەمئاوی سلێمانی چارەسەر دەکرێت و وەزارەتی شارەوانی زانیاری ورد ئاشکرا دەکات.

ئەمڕۆ پێنجشەممە وەزارەتی ئاوەدانکردنەوە و گەشتوگوزاری حکومەتی هەرێمی کوردستان بڵاویکردەوە، بە بڕیاری مەسرور بارزانی پڕۆژەی ئاوی دوكان بۆ سلێمانی 3 گوژمەی (423,890,00) چوار سەد و بیست و سێ ملیۆن و هەشت سەد و نەوەد هەزار دۆلار جێبەجێ دەكرێت و ڕۆژی یەكشەممە 12ـی 10ـی 2025، گرێبەستی پڕۆژەی ئاوی دوكان بۆ سلێمانی 3 لە وەزارەتی شارەوانی و گەشتوگوزار واژۆ دەكرێت.

بەگوێرەی ڕاگەیەندراوی وەزارەتی شارەوانی، ئەم پڕۆژەیە بۆ ماوەی 30 ساڵی دیكە كێشەی كەمئاوی لە سلێمانی چارەسەر دەكات، دوای ئەوەی لەلایەن وەزارەتی شارەوانی و گەشتوگوزارەوە بە نووسراو گرنگی ئەم پڕۆژەیە بۆ سەرۆكایەتیی دیوان بەرز كرایەوە.

لە بەشێکی دیکەی ڕاگەیەندراوەکەی وەزارەت هاتووە، دوای گرنگی خستنەڕووی ناوەڕۆك و گرنگی ئەم پڕۆژەیە، مەسرور بارزانی، سەرۆكی حكومەتی هەرێمی كوردستان دەستبەجێ ڕەزامەندی دا بە جێبەجێكردنی.

وەزارەتی شارەوانی ڕاشیگەیاند، بەمەبەستی باشتر جێبەجێكردنی پڕۆژەكە و گەیاندنی زۆرترین خزمەت بە خەڵكی شاری سلێمانی.