باشترین کەناڵی کوردی دیاری کرا
کەناڵێک بە یەک ساڵ توانی ببێتە باشترین و پێش تەواوی کەناڵەکانی دیکە کەوتەوە
بۆ یەکەم جار لەسەر ئاستی کەناڵەکانی هەرێمی کوردستان، باشترین کەناڵ دیاری کرا و ئاڤا میدیا، دوای تەنها یەک ساڵ لە دامەزراندنی، ریزبەندی یەکەمی گرت و پێش کەناڵەکانی دیکە کەوتەوە.
کۆمپانیای ڕاما ئەجێنسی بۆ ڕاپرسی و توێژینەوە، ئەنجامی دواین ڕاپرسی خۆی لەسەر ئاستی کوردستان خستەڕوو و ئاشکرای کرد، ئاڤا میدیا بە دەنگی خەڵکی کوردستان، بە باشترین و پڕبینەرترین کەناڵی کوردستان دیاری کراوە.
بەپێی ڕاپرسییەکەی ڕاما ئەجێنسی، کەناڵی ئاڤا میدیا، توانیویەتی پێش هەر یەک لە کەناڵەکانی رووداو، کوردستان 24، کەناڵ8 و سپێدە و پەیام بکەوێت.
ئەنجامی ئەو ڕاپرسییە لە کاتێکدایە، کە ئاڤا میدیا تەنها ساڵێکە دامەزراوە، کەچی سەر تۆپی کەناڵەکانی کوردستانی گرتووە و بووەتە پڕ بینەرترین و باشترین میدیای کوردستان و ناوچەکە.
رێبوار عوسمان، بەڕێوبەری ڕاما ئەجێنسی دوای ڕاگەیاندنی ئەنجامەکان ڕایگەیاند، بەشێوەیەکی زانستی و بێلایەنی ئەم ڕاپرسییە ئەنجام دراوە و ئامانجیش ئەوەیە داتای راستەقینەی بینەرانی کەناڵە کوردییەکان بزانرێت.
راما ئەجێنسی، دامەزراوەیەکی سەربەخۆی بێلایەنە و ساڵانە، بەپێی راپرسی و توێژینەوە باشترین کەناڵ لەسەر ئاستی جیاواز دیاری دەکات.
