ئەکبەر حاجی رۆستەم چۆن کوژرا؟

پایتەخت میدیا وردەکاری تەواوەتی لەسەر ڕووداوی کوژرانی ئەمشەوی ئەکبەر حاجی رۆستەم ئاشکرا دەکات.

بەگوێرەی زانیارییەکانی پایتەخت میدیا، ئەمشەو ئەکبەر حاجی رۆستەم لەسەر حەوزی ماسییەکەی بووە لە ناوچەی 'سورک'ـی نزیک گوندی ئۆمەبلی سەر بەناحیەی سەرقەڵای قەزای کفری.

ئەکبەر حاجی رۆستەم بەمەبەستی سەردانیکردنی باخەکەی ڕووی کردووەتە ناوچەکە و دواتر لەناکاو دەکوژرێت و  پاش  ئۆتۆمبێلەکەی بردراوە.

لەمبارەیەوە عەلی جەمال قەدوری، گوتەبێژی پۆلیسی گەرمیان ئاشکرای دەکات، زانیاری ئەوەمان بەدەست گەیشتووە گوایە دوای ئەوەی کوژراوە، ئۆتۆمبێلەکەی ئەکبەری حاجی ڕۆستەم براوە، بەم هۆکارە لێکۆڵینەوە لە ڕووداوەکە دەکەن.

جەختی لەوەشکردەوە، ئەکبەری حاجی ڕۆستەم لە گوندی ئۆمەربل کوژراوەو تەرمەکەی ڕەوانەی پزیشکی داد کراوە، پۆلیس سەرقاڵی لێکۆڵینەوەیە لە ڕووداوەکە.

گوتەبێژی پۆلیسی گەرمیان ڕوونیشیکردەوە، زانیاری هەیە کە گوایە دوای کوژرانی، ئۆتۆمبێلەکەی ئەکبەر حاجی رۆستەم براوە کە ئۆتۆمبێلێکی جۆری دەبڵ نیسانە، لێکۆڵینەوە لەمەش دەکەین.