وەستانی بارهەڵگر لەبەردەم قوتابخانەکان قەدەغەکرا

لە بڕیارێکی جیاوازدا هاتووچۆی گەرمیان بۆ سەلامەتی گیانی منداڵان وەستانی ئۆتۆمبێلی بارهەڵگر لەبەردەم قوتابخانەکان قەدەغە دەکات.

ئەمڕۆ دووشەممە بەڕێوەبەرایەتی هاتووچۆی گەرمیان لە ڕاگەیەندراوێکدا ئاگاداری شۆفێران و هاووڵاتییان دەکاتەوە و ڕاگەیاند، بۆ سەلامەتی گیانی منداڵان و هاووڵاتییان، ئاگاداری شۆفێری ئۆتۆمبێلە بارهەڵگرەکان دەکەینەوە، بەهەموو شێوەیەك وەستان لەنزیك قوتابخانە، باخچەکان و شوێنە گشتیەکان قەدەغەیە و ڕێگە پێدراو نییە.

لەبارەی سەرپێچیکردنی بڕیارەکە جەختی لەوەشکردەوە، تکایە بۆ ئەو مەبەستە ئاگاداربن بۆئەوەی توشی سزای یاسی نەبن، باپێکەوە هاتووچۆیەکی سەلامەت دابین بکەین.