وەزارەتی پەروەردە بڕیارێکی لە بەرژەوەندی قوتابییە دووانەکان دەرکرد

وەزارەتی پەروەردەی عێراق بڕیارێک لە بەرژەوەندی قوتابییە دووانەکان دەرکرد و تێیدا برا و خووشکی دووانە دەتوانن بەبێ هیچ مەرجێک یەکتر ببەنە قۆناغەکانی دیکە.

بەگوێرەی بڕیارێکی نوێی وەزرەتی پەروەردەی عێراق، کە ئەگەر یەکێک لە برا یان خوشکە دووانەکان توانی تاقیکردنەوەی قوتابخانە نایابەکان و بەهرەمەندەکان تێپەڕێنێت، ئەوا دەبێت ئەوی دیکەیان بەخۆڕایی و بێ هیچ مەرجێک و تاقیکردنەوەیەک وەربگیرێت.

دوای ڕاگەیاندنی ئەم بڕیارە، کاردانەوەی زۆری لە تۆڕەکۆمەڵاییەتیییەکان لێ کەوتەوە و خەڵک بۆچوونیان وایە، کە بەهۆی ئەوەی هەندێک جار ئاستی ژیریی و سەلیقەیی یەکێکیان لەگەڵ ئەوی دیکە جیاوازە، ئەمەش کاریگەری خراپی لەسەر ئاستی خوێندنی قوتابییەکە و قوتابخانە نایابەکان دەبێت، بەڵام هەندێک پسپۆڕانی پزیشکی بڕیارەکە بەئەرێنی وەسف دەکەن و دەڵێن، زۆربەی قوتابیانی دووانە ئاستی زیرەکییان وەک یەک وایە لەڕووی دەروونیشەوە ناتوانن لە قۆناغەکانی خوێندن یەکتر بەجێبهێڵن.