هاووڵاتییانی مێرگەسۆر و ناحیەی پیران بێ کارەبا دەبن

بەهۆی کارکردنی تیمەکانی پڕۆژەی ڕووناکی، ئەمڕۆ کارەبای نیشتمانی قەزای مێرگەسۆر و ناحیەی پیران دەبڕێت.

بە گوێرەی ڕاگەیەندراوێکی بەڕێوەبەرایەتی گشتی کارەبای سۆران، بەرەبەیانی ئەمڕۆ 15.9.2025 تا ئێوارە کارەبای نیشتمانی قەزای مێرگەسۆر و ناحیەی پیران دەبڕێت، چونکە تیمەکانی پڕۆژەی رووناکی لەوێ سەرقاڵی راکێشانی کارەبای 24 کاتژمێرین.

وا بڕیارە بڕیارە تا مانگی 11ـی ئەمساڵ کارەبای دانیشتووانی ئیدارەی سەربەخۆی سۆران ببێتە 24 کاتژمێریی، کە ماوەی مانگێکە تیمەکانی پڕؤژەی ڕووناکی چوونەتە ئەم دەفەرە و کاری تێدا دەکەن.