چەند گوندێکی سنووری سۆران بێ کارەبا دەبن

بەڕێوەبەرایەتیی گشتی کارەبای سۆران ڕایگەیاندووە، تیمەکانی پڕۆژەی ڕووناکی لەسەر چەند فیدەرێکی کارەبا کار دەکەن و چەند گوندێک تاوەکو کاتژمێر 6ـی ئێوارە کارەبایان نابێت. 

ئەمڕۆ شەممە، بەڕێوەبەرایەتیی گشتیی کارەبای سۆران ڕایگەیاند، بەرەبەیانی ئەمڕۆ فیدەری "1- 2- 3-5-6" دەکوژێتەوە کە تایبەتن بە ناحیە و گوندەکانی گەلالە و قەسرێ  و وەرتێ، سمیلان.

بەرێوەبەرایەتییەکە ئاماژەی بەوەش داوە، کە تیمەکانی پڕۆژەی ڕووناکی کار لەو فیدەرانە دەکەن بە مەبەستی چاککردن و بەرگەگرتنی فشاری کارەبای 24 کاتژمێری.