بە مەرج دەنگ بە دامەزراندنی دەوڵەتی فەڵەستین درا
دەوڵەتی فەڵەستین بێ بوونی بزووتنەوەی حەماس پەسند کرا
کۆمەڵەی گشتیی نەتەوەیەکگرتووەکان لە کۆبوونەوەی ئەمڕۆ بە زۆرینەی دەنگ پشتیوانی لە دامەزراندنی دەوڵەتی فەڵەستین کرد و جاڕنامەی نیویۆرك بۆ دانپێدانان بە دەوڵەتی فەڵەستین بێ بوونی بزووتنەوەی حەماس پەسند کرد.
بە گوێرەی ئەو ڕەشنووسەی دەنگی پشتیوانی زۆرینەی وڵاتانی کۆمەڵەی گشتیی نەتەوە یەکگرتووەکانی بە دەستهێناوە، دەرفەتێکی دیکە و نوێ دەبێت بۆ هەڵوەشاندنەوەی هەردوو وڵات و کۆتاییهێنان بە شەڕ و ململانێی فەڵەستین – ئیسرائیل؛ هاوکات دامەزراندنی دەوڵەتی فەڵەستین دەبێت بەبێ بوون و مانەوەی حەماس بێت،142 وڵات دەنگیان لە بەرژەوەندی دامەزراندنی دەوڵەت بۆ فەڵەستینییەکان دا، بەڵام 10 وڵات لە دژی وەستانەوە کە دوو وڵاتە زلهێزەکە لەنێو لیستەکەن ئەوانیش ئەمریکا و ئیسڕائیلن.
دەقی ڕەشنووسەکەدا ئاماژە بەوە کراوە کە دەبێت بزووتنەوەی حەماس هەرچی زووە چەک دابنێت و بارمتە ڕفێندراوەکانی حەوتی ئۆکتۆبەر ئازاد بکات و بگەڕێنێتەوە.
