چارەسەرکردنی کێشەی ئاوەرۆکانی هەرێم بە کۆمپانیایەکی ژاپۆنی دەسپێردرێت

وەزارەتی شارەوانی و گەشتوگوزاری هەرێمی کوردستان و کۆمپانیایەکی ژاپۆنی گرێبەستێک بۆ چارەسەرکردنی کێشەی ئاوەرۆ لە هەرێمی کوردستان واژۆ دەکەن.

بڕیارە ئەمڕۆ بە ئامادەبوونی هەریەکە لە وەزیری شارەوانی و گەشتوگوزار، پارێزگاری هەولێر، باڵیۆز و کۆنسوڵی ژاپۆن، ئاژانسی جایکای ژاپۆن، کۆنسوڵی تورکیا، کۆمپانیای ئیتوچوی ژاپۆنی، بەڕێوەبەرایەتیی گشتیی ئاو و ئاوەڕۆ و لایەنە پەیوەندیدارەکان لە هەرێمی کوردستان، گرێبەستێک لە نێوان وەزارەتی شارەوانی و گەشتوگوزاری کوردستان و کۆمپانیای ئیتوچوی ژاپۆنی واژۆ بکرێت.

گرێبەستەکە لە ناو بینای وەزارەتی شارەوانی و گەشتوگوزار واژۆ دەکرێت و گوژمەی گرێبەستەکە 29 ملیار یەنی ژاپۆنە کە بەرامبەرە بە نزیک 200 ملیۆن دۆلاری ئەمریکا، بڕیارە کۆمپانیا ژاپۆنییەکە سەرجەم گرفتەکانی ئاوەرۆ لە هەرێمی کوردستان چارەسەر بکات.