هێزەکانی ئەمریکا لە عێراق دەکشێنەوە؟

بەگوێرەی کەناڵی ئەلعەرەبییە وا بڕیارە سبەی هێزەکانی ئەمریکا لە ناوچەی سەوز و فڕۆکەخانەی بەغدا بکشێنەوە.

ئەمڕۆ هەینی کەناڵی ئەلعەرەبییە بڵاویکردەوە، سبەی شەممە هێزەکانی ئەمریکا لە ناوچەی سەوز و فڕۆکەخانەی بەغدا دەست بەکشانەوە دەکەن، ئەم کشانەوەیەش لە چوارچێوەی رێککەوتنی نێوان عێراق و ئەمریکایە.

لە ساڵی 2024 بۆ کشانەوەی هێزەکانی ئەمریکا رێککەوتن لە نێوان عێراق و ئەمریکا واژۆکرا و قۆناغی یەکەمی کشانەوەی هێزەکانی ئەمریکا کە لەناو هاوپەیمانی نێودەوڵەتی بۆ بەرەنگاربوونەوەی داعش کاردەکەن لە مانگی ئەیلولی 2025 کۆتایی دێت، قۆناغی دووەمیش لە ساڵی 2026 کۆتایی دێت.

جێگەی باسە بەگوێرەی رێککەوتنەکە بێت، ئەمریکا هێزێکی سەربازی سنووردار لە هەرێمی کوردستان دەهێڵێتەوە بۆ ماوەی ساڵێکی دیکە، ئەوەش لە چوارچێوەی ئەو لێکتێگەیشتنە ئەمنییانەیە کە هەن.