لەسەر مۆڵەت پۆلیسێکی هەڵەبجە دەسترێژی گوللەی لە دوو هاوکاری خۆی کرد

لەسەر وەرگرتنی مۆڵەت، کێشە لە نێوان چەند پۆلیسێکی هەڵەبجە دروست بووە و یەکیان دەسترێژی گوللەی لە دوو هاوکاری خۆی کردووە.

ئاکام قوتبەدین، گوتەبێژی پۆلیسی هەڵەبجە ئەو هەواڵەی پشتڕاستکردەوە و ڕایگەیاند، دوو پۆلیسی بەرگری و فریاکەوتن کە هاوڕێی یەکن لە سەروەرگرتنی مۆڵەت دەمەقاڵێیان لە نێوان دروست بووە و یەکێکیان، دەسترێژی گوللەی کردووە و دوو لە هاوکارەکانی خۆی بریندار کردووە.

بەپێی ئەو زانیارییانەی پۆلیسی هەڵەبجە ئاشکرای کردووە، ئەو دوو پۆلیسی بۆ نەخۆشخانەی فریاکەوتنی هەڵەبجە گواستراونەتەوە تاوەکو برینەکانیان چارەسەر بکرێت.

گوتەبێژی پۆلیسی هەڵەبجە لەسەر رووداوەکەی ڕایگەیاند، پەڕاوی لێکۆڵینەوەی بۆ رووداوەکە دەستیپێکردووە و پۆلیسی دەستدرێژیکار دەستگیر کراوە.