ئاگرە شومەکەی هەڵەبجە کۆنتڕۆڵکرا

لەدوای شەهیدبوونی دوو هاووڵاتیی وبرینداربوونی چەندان کەس ئاگرە گەورەکەی هەڵەبجە لەکۆتاییدا کۆنترۆڵکرا.

لە دوێنێوە ئاگرێکی گەورە لە ناوچەکانی چنار، مۆردین، نەیجەڵە و گردەناوێی سەربە پارێزگای هەڵەبجە کەوتووەتەوە و بەدەیان تیمی ئاگر کوژێنەرەوە لە هەوڵدابوون.

دوێنی گەنجێکی خۆبەخش بەناوی ئاری موختار لەپێناو پاراستنی ژینگە ڕۆیشتە نێو ئاگرەکە و بەم هۆیەوە جەستەی سووتا و گیانی لەدەستدا.

ئەمڕۆش پۆلیسی دارستان و ژینگەی هەڵەبجە بەهۆی ئاگرەکەوە گیان لەدەستدانی کارمەندێکیان بە ناوی 'محەممەد شێخ حەیدەر' ڕاگەیاند.

ئەم دوو هاووڵاتییە ناسناوی شەهیدی ژینگەیان پێبەخشرا و بوونەوە سمبوولی هەڵەبجە.