د.شاخەوان عەبدوڵڵا وەڵامی تووندی محەممەد حەلبوسی دەداتەوە
دەقی وەڵامەکەی د. شاخەوان عەبدوڵڵا جێگری سەرۆکی پەرلەمانی عێراق بۆ محەمەد حەلبوسی
د.شاخەوان عەبدوڵا وەڵامی تووندی محەممەد حەلبوسی دەداتەوە و دەڵێت: "ئەوکاتەی لە پۆستی سەرۆکی پەرلەمان لادراییت و نەتوانی بەرگری لەخۆت بکەیت ئیستا چۆن دەڵێت من نەجمەدین کەریمم لە پۆستی پارێزگارلاداوە".
دەقی وەڵامەکەی د. شاخەوان عەبدوڵا جێگری سەرۆکی پەرلەمانی عێراق بۆ محەمەد حەلبوسی سەرۆکی پێشووی پەرلەمان:
وەڵامێک بۆ سەرۆکی لەکارلادراوی پەرلەمان ….
دوێنێ لەشاری کەرکوک و لەیەکێک لە کۆبونەوە جەماوەرییەکان بەرێز محمد حلبوسی سەرۆکی لەکارلادراوی پەرلەمان باسی لەوە کرد کەئەو نجم الدین کەریمی لە پۆستی پارێزگاری کەرکوک دورخستوەتەوە ، هەرچەندە خوا لێخوشبو ئەندامی مەکتەبی سیاسی یەکێتی بو بەڵام وەکو کوردێک من وەڵامت دەدەمەوە و دەڵێم،
جەنابت سەرۆکی پەرلەمان بویت و سەرۆکی حزبیش بویت نەتوانی دیفاع لەخۆت بکەیت و لەپۆستەکەت لادرایت و دورخرایتەوە چۆن دەڵێ من نجم الدین کەریمم لاداوە لەکاتێکدا لەو سەردەمەی خوالێخوشبو نجم الدین کەریم پارێزگار بو جەنابت ئاوارە بویت لەدهۆک و تەنها ئەندام پەرلەمانێک بویت،
هیوادارم لەو شارەی کەبەخوێنی پێشمەرگەو هێزکانی تر پارێزراو هاوشێوەی ئەنبار نەکەوتە ژێر دەستی داعش کاتێکی خۆش بەسەربەریت.
وەڵامی تریشم دەبێت بۆ وتەکانی دیکەت .
دکتۆر شاخەوان عەبدوڵا
