ئەمڕۆ لە کەورگۆسک فەرمانبەران زەوی وەردەگرن
پڕۆسەی دابەشکردنی زەوی لە كەورگۆسك دەستپێدەکات و زیکەی 1000 فەرمانبەر زەوی وەردەگرن
بەڕێوەبەرایەتی وەزارەتی شارەوانی و گەشتوگوزار پڕۆسەی دابەشكردنی زەوی لە سنووری بەڕێوەبەرایەتیی گشتیی شارەوانییەكانی هەولێری ڕاگەیاند.
ئەمڕۆ یەکشەممە، مەریوان حاكم هادی، بەڕێوەبەری گشتیی شارەوانییەكانی هەولێر ڕایگەیاند، ئەمڕۆ لە كەورگۆسك نزیكەی 1000 فەرمانبەر زەوی وەردەگرن و بەمزووانەش لە چەند شارەوانییەكی دیكە زەوی دابەش دەكرێت، ئەم زەوییانەش لە باشترین زەوییەكانن و نزیكن لە ئاوەدانییەوە.
بەڕێوەبەری گشتیی شارەوانییەكانی هەولێر باسی لەوەش کرد، کە تاوەكو ئێستا نزیكەی 48 هەزار فۆڕمی وەرگرتنی زەوییان بەدەست گەیشتووە و پرۆسەی دابەشكردنی زەویش لە سنووری بەڕێوەبەرایەتیی گشتیی شارەوانییەكانی هەولێر زۆر بە باشی بەڕێوەدەچێت.
مەریوان حاكم هادی جەختیش دەکاتەوە، کە تاوەكو ئێستا نزیكەی 8 هەزار فەرمانبەر لە سنووری سەرۆكایەتییەكانی شارەوانیی بەحركە و قوشتەپە و دارەشەكران زەویان وەرگرتووە، لە چەند هەفتەی داهاتوودا لە سنووری كەسنەزان و بنەسڵاوە و شوێنەكانی دیكەش پرۆسەكە دەستپێدەكات.
