زیاتر لە 2000 کەس گیانیان لەدەستداوە

تا دێت ژمارەی قوربانیانی بوومەلەرزەکەی ڤەنزوێلا زیاد دەکات و حکومەت ناچارە تەرمەکان بسووتێنن و بۆنی ناخۆش هاووڵاتییانی هەراسان کردووە.

بەپێی نوێترین ئامارەکان، تا ئێستا 1943 کەس لە بوومەلەرزەکەی ڤەنزوێلا گیانیان لەدەستداوە و زیاتر لە 10500 برینداریش هەن. هێزەکانی فریاگوزاریش تا ئێستا توانیویانە 6461 کەس ڕزگار بکەن.

بەهۆی زۆریی تەرمەکانەوە، کارمەندانی گۆڕستان ناچارن تەرمەکان بسووتێنن. ڕۆژانە 60 تا 70 تەرم دەسووتێنرێت و کارمەندان و کەسوکاری قوربانییەکانیش ماسک دەبەستن بۆ ئەوەی لە کاتی سووتاندنی تەرمەکاندا بۆنی ناخۆشیان پێ نەگات.

لە 24ی حوزەیرانی ئەمساڵدا، دوو بوومەلەرزەی بەهێزی یەک لەدوای یەک بە گوڕی 7.2 و 7.5 وڵاتی ڤەنزوێلای هەژاند و زیانێکی زۆری لێکەوتەوە. زۆربەی وڵاتە زلهێزەکانی جیهانیش تیمی فریاگوزاری و هاوکارییان بۆ ئەو وڵاتە ناردووە.