کوردانی ڕۆژهەڵات ڕەخنە لە کوردانی باشوور دەگرن

هەڵمەتە بەرفراوانەکەی هاووڵاتییانی هەڵەبجە، هەورامان و خورماڵ بۆ دۆزینەوەی تەرمی کچێکی عەرەب، کاروانێکی ڕەخنەی تووندی لە تۆڕەکۆمەڵایەتیییەکان بەدوای خۆیدا هێنا.

دکتۆرە نیکۆڵا، مامۆستای زانکۆ و کچی پێشمەرگەی 'دێرین ئەشرەف شاڵی' لە هەژماری فەرمی خۆی لە تۆڕی کۆمەڵایەتی فەیسبووک ڕایگەیاند: "مەگەر شەهید (غەزەڵ مەولان)، کچی خۆتان نەبوو؟! مەگەر شەهیدی کوردستان نەبوو؟! ئەی باشە بۆچی واتان بۆ کچەکەی خۆتان نەکرد؟!"

لە درێژەی ڕاگەیەندراوەکەی دکتۆرە نیکۆڵا دا هاتووە: "تکایە کەس باسی مرۆڤدۆستیم بۆ نەکات، چونکە ئەوەی بۆ ئەو مناڵە کراوە لە سنووری مرۆڤدۆستی تێپەڕیوە و دەرخەری ئەو ڕاستییەیە کە تاکی کورد خاوەنی ئەقڵییەتی داگیرکراوە نەوەك تەنها خاکی داگیرکراو."

ئەم مامۆستای زانکۆیەوە جەختیش دەکاتەوە کە: "ڕزگاربوون لەجۆری دووەمی داگیرکاریی ئاسانە، بەڵام بەڵای ڕاستەقینە جۆری یەکەمی داگیرکارییە و خۆبەکەمزانینی کوردە و دڵڕازیکردنی ئەوانیترە، زۆرینەی عەرەب، کورد وەك نەوەی جنۆکە دەبینن واتا من و تۆ لای ئەوان نەوەی جنۆکەین."

ئەمە لە کاتێدایە، ڕۆژی سێشەممە 9-6-2026 منداڵێکی تەمەن 11 ساڵان بە ناوی رووقیە، خەڵکی کەربەلا بوو، لە سەرچاوەی زەڵم لە سەیرانگای ئەحمەدئاوا خنکا، لەو کاتەوە بۆ ماوەی نزیکەی 10 ڕۆژ تیمەکانی فریاگوزاری و خەڵكی خۆبەخشی ناوچەکە بە چڕی بەدوای تەرمەکەیدا و گەڕان و دوای دۆزینەوەشی، نوخشە ناسیح، پارێزگاری هەڵەبەبجە ڕایگەیاند، تەرمەکە لە مەراسیمێکی شایستە و شکۆدار بەرەو کەربەلا بەڕێ دەکرێت.