دوو باندی مەترسیداری فریودانی ئافرەتان دەستگیر کران
پۆلیسی هەولێر دوو باندی مەترسیداری فریودانی ئافرەتانی لە سۆشیاڵ میدیا دەستگیر کرد
ئەو دوو باندەی لە ڕێگەی سۆشیاڵ میدیاوە سەدان ئافرەتیان فریوداوە و لەژێر هەڕەشەی ناوزڕاندندا، زێڕ و پارەیەکی زۆریان لێ سەندوون دەستگیرکران.
بەڕێوەبەرایەتیی پۆلیسی پارێزگای هەولێر باندی یەکەم لە 2 تۆمەتبار پێکهاتووە بە ناوەکانی (س. ل) لەدایکبووی ساڵی 1996 و (ب. ش. ح) لەدایکبووی ساڵی 2004 کە دانیشتووی شاری سۆرانن.
پۆلیسی هەولێر ئاشکرای دەکات، باندی دووەم لە 3 تۆمەتبار پێکهاتووە بە ناوەکانی (س. س.ح) لەدایکبووی 1993 دانیشتووی قەزای کۆیە، (م. م. ع) لەدایکبووی ساڵی 1985 دانیشتووی شاری هەولێر، ( پ.ج) لەدایکبووی ساڵی 1994 دانیشتووی شاری سۆران، کە ئەم تۆمەتبارانە وێنە و نهێنی ئافرەتانیان بۆ سەرانەسەندن بەکارهێناوە.
لە کۆتایی دا پۆلیسی هەولێر داوا لە هاووڵاتییان دەکات، لە کاتی ڕووبەڕووبوونەوەی هەر مەترسی و هەڕەشەیەکی هاوشێوەدا، ڕاستەوخۆ دەزگا ئەمنییەکان ئاگادار بکەنەوە.
