ڕێباز حهملان: هەرێم هەموو پابەندییەکانی جێبەجێ کردووه
هەرێمی کوردستان هەموو مەرجەکانی بەغدای جێبەجێ کردووه؟ ڕێباز حهملان وردهكارییهكهی ئاشكرا دهكات
دوای سەردانەکەی سهرۆكوهزیران مەسرور بارزانی، بۆ بەغدا و کۆبوونەوەی لەگەڵ سەرۆک وەزیرانی عێراق و کوتلە سیاسییەکان، ئاسۆیەکی نوێ بۆ چارەسەرکردنی کێشەی مووچە و شایستە داراییەکانی هەرێم دەرکەوتووە.
ئهمڕۆ ڕێباز حەملان، یاریدەدەری سەرۆکی حکومەتی هەرێمی کوردستان به پایتهخت میدیای ڕاگەیاند، ئەنجامی کۆبوونەوەکان زۆر گرنگ و ئەرێنی بوون، هیوایەکی گەورەشیان دروست کردووە بۆ ئەوەی لە چوارچێوەی دەستوور، یاسای بوودجە و بڕیارەکانی دادگای فیدراڵیدا، دەرگای چارەسەر بۆ تەواوی کێشە داراییەکان بکرێتەوە.
ههروهها ئاماژەی بەوەش کرد، هەرێمی کوردستان پابەندبوونی خۆی لەسەر پرسی هەناردەکردنی نەوت لە ڕێگەی کۆمپانیای سۆمۆ و ڕادەستکردنی داهاتە ناوخۆییەکان بەپێی دەستوور دووپات کردووەتەوە، تا ئەو بەشە بوودجەیەی بۆ هەرێم دیاری کراوە بگاتە دەست مووچەخۆران.
سەبارەت بە لیستی مووچەش، ڕوونیکردەوە کە هیچ ڕێگرییەک لە لایەن هەرێمەوە نەماوە و هیوادارن بەغداش پابەندی ڕێککەوتنەکان بێت، چونکە هەرێم هەمیشە بەشێک بووە لە چارەسەرکردنی کێشەکان.
