9 ڕۆژ پشووی فەرمی راگەیەندرا

وەزارەتی پەروەردەی عێراق، بەهۆی بەکارهێنانی ناوەندەکانی دەنگدان چەند ڕۆژێک پشووی فەرمی رادەگەیەنێت.

ئه‌مڕۆ سێشه‌ممه‌ وەزارەتی پەروەردەی عێراق لە گشتاندنێكدا ڕایگەیاند، خوێندنگەكان وەكو ناوەندی دەنگدان بەكاردەهێنرێت لە 5-11 تاوەكو 13-11-2025 ڕادەستی كۆمسیۆنی باڵای سەربەخۆی هەڵبژاردنەكان بكرێت.

جەختی لەوەشکرد، پێدانی خوێندنگەكان بە كۆمسیۆن بۆ ئەوەیە بتوانرێت چاكسازی پێویستی تێدا بكرێت و كامێرای تێدا جێگیر بكرێت لەگەڵ هەڵگرتن و كۆگاكردنی ماددەكانی تایبەت بە هەڵبژاردن.

سەبارەت بە ماوەی ڕۆژەکانی پشوو دووپاتی دەکاتەوە، ماوەی 5 بۆ 13-11-2025 لە خوێندنگەكان دەوام نابێت و دەكرێتە پشوو ئەوەش بەهۆی هەڵبژاردنی پەرلەمانی عێراقەوە.