بڵاوکردنەوەی نمرەی قوتابییان قەدەغە کرا
کورتە
بڕیارێکی بەپەلە لە پەروەردەی سلێمانییەوە؛ بڵاوکردنەوەی ئەم زانیارییانە قەدەغە کرا
بەهۆی نیگەرانی و داواکاری بەردەوامی خێزانەکانەوە، بڕیارێکی نوێ سەبارەت بە پاراستنی تایبەتمەندێتی قوتابیانی پۆلی 9ی بنەڕەتی دەردەچێت.
ئەمڕۆ دووشەممە نەژاد عەبدوڵڵا، بەڕێوەبەری گشتی پەروەردەی سلێمانی ڕایگەیاند، لەسەر داوای بەشێکی زۆر لە دایکان و باوکانی قوتابیانی پۆلی 9ی بنەڕەتی لە شاری سلێمانی، ئاگاداری سەرجەم قوتابخانە حکومی و ناحکومییەکانی سنوورەکە دەکاتەوە، کە بڵاوکردنەوەی نمرەی قوتابییان لە پەیجی قوتابخانەکاندا بە تەواوی قەدەغەیە.
نەژاد عەبدوڵڵا ئاماژەی بەوە دا،هەر ناوەندێکی خوێندن پابەندی ڕێنماییەکە نەبێت و نمرەکان بڵاو بکاتەوە، بە پێچەوانەوە ڕووبەڕووی ڕێکاری یاسایی تووند دەکرێنەوە.
هەڵبژاردنەکانی پێشکەشکردن
