بڕی 50 ملیار دینار بۆ بەغدا نێردرا
داهاتی نانەوتی هەرێمی کوردستان بۆ مانگی پێنج خرایە سەر هەژماری بانکی وەزارەتی دارایی عێراق.
وەزارەتی دارایی هەرێم داهاتی نانەوتی ڕەوانەی بەغدا کرد و چاوەڕوانی ناردنی مووچەی مانگی 5 دەکرێت.
ئەمڕۆ دووشەممە، وەزارەتی دارایی هەرێم ڕایگەیاند، بڕی 50 ملیار دینار لە داهاتی نانەوتی بۆ مووچەی مانگی 5 بەشێوەی کاش خرایە سەر هەژماری بانکی وەزارەتی دارایی حکومەتی فیدراڵ لە لقی هەولێری بانکی ناوەندی عێراق.
بەرەبەیانی ئەمڕۆ سەرچاوەیەک لە وەزارەتی دارایی هەرێم ئاشكرای کردبوو، هاوشانی ئامادەکردن و ناردنی داهاتی نانەوتی، خشتەی دابەشکردنی مووچەی مانگی 5ـی مووچەخۆرانیش بەتەواوی ئامادەکراوە، وەزارەتەکە لە ئێستادا تەنیا چاوەڕێی گەیشتنی پارەکەی بەغدا دەکات، تا دەستبەجێ و بێ دواکەوتن دەست بە دابەشکردنی مووچەی فەرمانبەرانی هەرێمی کوردستان بکات.
ئەمە لە کاتێکدایە، دوێنێ فالح ساری، وهزیری دارایی عێراق واژۆی لهسهر خهرجكردنی مووچهی مانگی 5ی فهرمانبهران و مووچهخۆرانی ههرێمی كوردستان كرد.
