لەمەودوا بە مۆڵەتی شۆفێری کوردستان دەتوانی گەشتی جیهان بکەیت

چیتر پێویست ناکات مۆڵەتی شۆفێرییەکەت بکەیت بە نێودەوڵەتی، وەزارەتی ناوخۆ بڕیارێکی لە بەرژەوەندی هاووڵاتییان دەرکردووە.

بەپێی نووسراوێکی وەزارەتی ناوخۆی، ئەو كەسانەی خاوەنی مۆڵەتی نوێی شۆفێرین دەتوانن ڕاستەوخۆ مۆڵەتەكەیان بكەنە نێودەوڵەتی.

ئەمڕۆ چوارشەممە بەڕێوەبەرایەتی گومرگی هەولێر ئاگاداری هاووڵاتییان دەکاتەوە، کە ئەو کەسانەی کە هەڵگری مۆڵەتی شوفێری نوێی خۆجێین دەتوانن بە ئۆتۆمبێلی خۆیان گەشت بۆ دەرەوەی وڵات بکەن بە بێ ئەوەی مۆڵەتی شوفێریەکەیان بگۆرن بە مۆڵەتی شوفێری نێودەوڵەتی.

بەڕێوەبەرایەتی گومرگی هەولێر ڕوونیکردەوە، ئەو کەسانەی کە هەڵگری مۆڵەتی شوفێری نوێی خۆجێین بەڵام بە ئۆتۆمبێلی خۆیان گەشت ناکەن بۆ دەرەوەی وڵات و ئەگەر بیانەوێت لەو وڵاتەی گەشتیان بۆ کردووە و ئۆئۆمبێل بە کرێ بگرن و شوفێری بکەن، ئەوا پێویستە مۆڵەتی شوفێری نێودەوڵەتی دەربهێنن.