ئه‌م ئێواره‌یه‌ به‌فر و باران كۆتایی دێت

كه‌شناسی كه‌شی پێشبینیكراوی 48 كاتژمێری داهاتووی بڵاوكرده‌وه‌. پله‌كانی گه‌رما نزم ده‌بنه‌وه‌ و سبه‌ی شه‌ممه‌ش به‌فر و باران نابارێت.

كه‌شناسی هه‌رێمی كوردستان ڕایگه‌یاند، ئه‌مڕۆ لە ئەنجامی هاتنی بارستە هەوایەکی ساردی جەمسەری و شەپۆلێکی بەفر و باران بۆ سەرناوچەکەمان، ئاسمان بە گشتی هەوری باراناوی دەبێت. نمە باران و بارانی مامناوەند هەندێک کات تێکەڵەی وردە بەفر لەگەڵ باران دەبارێت. هەروەها پێشبینی ده‌كات، لە زۆربەی ناوچەکان بەفر بارین هه‌بێت و کاریگەری شه‌پۆلی به‌فر و بارانه‌كه‌ش تا کاتەکانی ئێوارە بەردەوام دەبێت، دواتر لە كاته‌كانی شه‌ودا کاریگەری ئەم شەپۆلە کۆتایی دێت.

به‌پێی بڵاوكراوه‌كه‌، سبه‌ی شه‌ممه‌ کەشی ئاسمان لە نێوان پەڵە هەور و نیمچە هەور دەبێت لە ناوچە شاخاوییەکان، هەندێک کاتییش هەوری تەواو دەبێت. پلەکانی گەرما نزمترین نزم دەبێتەوە، بەرزترین بە  1 تا 4  بەرزتر دەبێت بەراورد بە پلەکانی ئەمڕۆ.

ئه‌وه‌شی خستووه‌ته‌ ڕوو، ئه‌مڕۆ پلەکانی گەرما بە نزیکه‌ی 4 تا 6 پلە نزمتر دەبێت بەراورد بە پلەکانی دوێنی و به‌رزترین پله‌ی گه‌رمای پێشبینیكراو به‌م شێوه‌یه‌یه‌:

هەولێر : 3 پلەی سیلیزی

پیرمام : 1  پلەی سیلیزی

سۆران : 1 پلەی سیلیزی

حاجی ئۆمەران :  -3 پلەی سیلیزی  

سلێمانی :  2 پلەی سیلیزی

چەمچەماڵ :  3 پلەی سیلیزی

هەڵەبجە : 2 پلەی سیلیزی

دهۆک : 2 پلەی سیلیزی

 زاخۆ : 3 پلەی سیلیزی

ئاکرێ : 3  پلەی سیلیزی