مه‌سرور بارزانی و سه‌رۆكوه‌زیرانی لوبنان داوای پاراستنی مافی كورد له‌ سووریا ده‌كه‌ن

له‌ درێژه‌ی به‌ڕێوه‌چوونی كۆڕبه‌ندی داڤۆس سه‌رۆكوه‌زیران مه‌سرور بارزانی، له‌گه‌ڵ سه‌رۆكوه‌زیرانی لوبنان تاوتوێی دۆخی ڕۆژهه‌ڵاتی ناوه‌ڕاست و ڕۆژئاڤای كوردستانیان كرد.

مه‌سرور بارزانی، سه‌رۆكوه‌زیرانی هه‌رێمی كوردستان له‌ داڤۆس له‌گه‌ڵ نەواف سەلام، سەرۆکوەزیرانی لوبنان كۆبووه‌وه‌. دۆخی گشتی و دوایین گۆڕانکاریی و پێشهاتەکانی عێراق و ناوچەکە تاوتوێ کرا.

سه‌رۆكوه‌زیرانی كوردستان و سه‌رۆكوه‌زیرانی لوبنان داوا ده‌كه‌ن، ئاسایش و سه‌قامگیری سووریا بپارێزرێت. شه‌ڕ و پێكدادانی سه‌ربازی كۆتایی پێبهێندرێت و كێشه‌كان به‌ گفتوگۆ چاره‌سه‌ر بكرێن.

له‌ به‌شێكی دیكه‌ی قسه‌كانیان، هه‌ردوولا هاوڕابوونه‌ له‌سه‌ر ڕێزگرتن له‌ مافه‌كانی گه‌لی كورد و ته‌واوی پێكهاته‌كانی دیكه‌ی سووریا.