دەرگای دامەزراندن بۆ دەرچووانی هەرێمی کوردستان کرایەوە

وەزارەتی تەندروستی عێراق دەرگای دامەزراندن بۆ دەرچووانی زانکۆ و پەیمانگاکانی هەرێمی کوردستان دەکاتەوە.

ئەمڕۆ سێشەممە وەزارەتی تەندروستی عێراق بڵاویکردەوە، فۆڕمی ئەلیكترۆنی دامەزراندن بۆ دەرچووانی زانکۆ و پەیمانگا پزیشكییەكان و دەرمانسازی هەرێمی كوردستان و دەرەوەی عێراق لە ساڵی خوێندنی (2023- 2024) کاراکرا.

وەزارەتی تەندروستی عێراق ئاشکرای دەکات، دوای پەسەندكردنی بودجە دامەزراندنەكان ئەنجام دەدەن.