ڕاگەیەنراوێک لە بارەگای بارزانییەوە

بارەگای بارزانی بەهۆی لافاوەکەی سنووری قەزای چەمچەماڵ داوایەک ئاڕاستەی دەزگای خێرخوازیی بارزانی دەکات.

ئەمڕۆ سێشەممە بارەگای بارزانی بڵاویکردەوە، لە ئەنجامی بارانبارینی زۆر و لافاوەوە لە سنووری قەزای چەمچەماڵ و لەیلان لە كەركووك 3 هاووڵاتیی گیانیان لەدەستدا و ژمارەیەكی دیکەش بریندار بوون، پرسە و سەرخۆشیی خۆیان ئاراستەی خانەوادە و كەسوكاری قوربانیان دەكەن و هیوای چاكبوونەوە بۆ برینداران دەخوازن.

بارەگای بارزانی داوا لە دەزگای خێرخوازیی بارزانی دەكات، بە زووترین كات بە هانای لێقەوماوان و زیانلێكەوتوانی ئەو ڕووداوە بچن و ئەوەی لە توانایاندا بێت بۆ یارمەتیدانیان ئەنجام بدەن.