ئەو پیاوەی تا 2048 سزای زیندانی بەسەردا سەپێندراوە بۆ جاری چوارەم هەڵات 

پیاوێک لە ئیتاڵیا بە شارەزای "هەڵاتنی زیندان" ناوسراوە توانی و بۆ جاری چوارەم هەڵبێت.

ئەمڕۆ پێگەی یورۆ نیوز بڵاویکردەوە، "تۆما تەولەنت"ـی تەمەن 41 ساڵان خەڵکی ئەلبانیایە و توانی بۆ جاری چوارەم لە زیندانی شاری میلانی ئیتاڵیا بە ناوی  "های سیکیوریتی ئۆپێرا" هەڵبێت.

بە گوێرەی زانیارییەکانی پۆلیس، کاتژمێر 8:00ـی دوێنێ یەکشەممە کاتێک پاسەوانی زیندانەکان بۆیان دەرکەوتووە کە "تۆما تەولەنت" لە زیندان نەماوە، ناوبراو توانییەتی شیشی پەنجەرەی ژوورەکەی ببڕێت و بچێتە حەوشەی زیندانەکە، لەوێشەوە بەسەر دیواری حەوشەکە بکەوێت هەڵبێت.

"تۆما تەولەنت" بە شارەزای "هەڵاتن" لە زیندان ناوسراوە، بە تۆماتی دزی کرد و تاوانی دیکەی پەیوەست بە ماددەی هۆشبەر تا ساڵی 2049 سزای زیندانی بەسەردا سەپێندراوە، پێشووتر بۆ یەکەمجار لە ساڵی 2009 لە زیندان هەڵات، بەڵام هەر دووبارە دەستگیرکراوەتەوە و ئەمجارە چوارەم جارە لە زیندان هەڵبێت.

یەکێک لە هۆکارەکانی هەڵاتن بۆ قەرەباڵغی زیندانەکان دەگەڕێتەوە، کە لە ئێستادا 1338 زیندانی لە بەندیخانەی ئۆپێرا هەن، لە کاتێکدا تەنها 918 شوێنی بەردەستی تێدایە و رێژەی قەرەباڵغی 153٪ـە و تەنها 533 پۆلیس و پاسەوان لە زیندانەکەدا هەن، بەڵام لە ڕاستیدا بە لەبەرچاوگرتنی ژمارەی زیندانییەکان لانی کەم 811 پۆلیس پێویستن.