دەست بە دروستکردنی دووسایدی پێنجوێن - سەیدسادق دەکرێت

لەپێناو ئاوەدانکردنەوەی زیاتری هەرێمی کوردستان، بڕیارە ساڵی داهاتوو دەست بکرێت بە دروستکردنی پڕۆژەی دووسایدی پێنجوێن -سەیدسادق.

ئەمڕۆ یەکشەممە دانا عەبدولکەریم، وەزیری ئاوەدانکردنەوە و نیشتەجێکردنی هەرێمی کوردستان رایگەیاند، بەشی زۆری رێکارەکان بۆ دەستپیکردنی پڕۆژەی جووتسایدی سەیدسادق-پێنجوێن تەواوکراون، لە ئایندەیەکی نزیکدا رەزامەندی بۆ دەدرێت و ساڵی داهاتوو دەست بە جێبەجێکردنی پڕۆژەکە دەکرێت.

بەگووتەی دانا عەبدولکەریم، پڕۆژەکە بۆ سنووری پێنجوێن و سەیدسادق زۆر گرنگ و ستراتیجییە، رێکارەکانی چاککردنی رێگەی سازان لە هەڵەبجە تەواوبووە و بڕیارە ساڵی داهاتوو دەست بە جێبەجێکردنی ئەو پڕۆژەیەش بکرێت.