ئەنجامی لێکۆڵینەوەکانی هێرشەکەی کۆرمۆر رادەگەیەندرێت
لیژنەی بەدواداچوون بۆ ڕووداوی کۆرمۆر سەردانی پارێزگاری سلێمانی و كێڵكگەیان کرد
دوابەدوای هێرشەکەی کێڵگەی کۆرمۆر و وەستانی بەرهەمهێنانی کارەبا لە سەرتاسەری هەرێمی کوردستان، بڕیارە ئەنجامی لێکۆڵینەوەکانی هێرشەکە بڵاوبکرێتەوە.
ئەمڕۆ یەکشەممە میقداد میری، بەڕێوەبەری راگەیاندن و پەیوەندییە گشتییەکان لە وەزارەتی ناوخۆی عێراق رایگەیاند، لیژنەی بەدواداچوون بۆ ڕووداوی کۆرمۆر سەردانی پارێزگاری سلێمانی و كێڵكگەیان کرد، بە ئامادەبوونی سەرجەم ئەندامانی لیژنەکە، فەرماندەی گشتی هێزە چەکدارەکانیش لە نزیکەوە چاودێری ئەدای لیژنەکە و کارەکانی دەکات.
بەگووتەی میقداد میری، لە ئێستادا لیژنەکە کارەکانی تەواوکردووە و لە قۆناغێكی پێشکەوتوودایە، ئەنجامی لێکۆڵینەوەکان دوای پەسەندکردنی رادەگەیەندرێت.
بەڕێوەبەری راگەیاندن و پەیوەندییە گشتییەکانی وەزارەتی ناوخۆی عێراق ڕوونیکردەوە، هەر ئەنجامێك یان لێدوانێک لەم کاتەدا درابێت نادروستە، لە چەند رۆژی داهاتوودا ئەنجامی لێکۆڵینەوەکان لە رووداوەکەی کۆرمۆر بڵاودەکرێتەوە.
