کرێی ڕاگرتنی ئۆتۆمبێل لە 1000دینارەوە کرا بە 500 دینار

کرێی ڕاگرتنی ئۆتۆمبێل لە شاری کەلار بە بڕیاری سەرۆکایەتی شارەوانی گۆڕانکاری بەسەردا هات و نرخەکەی کەمکرایەوە.

سەرۆکایەتی شارەوانی کەلار بڵاویکردەوە، لە دەستپێکی گرێبەستی نوێی پڕۆژەی وەستانی ئۆتۆمبیل لەسەر شەقامەکانی نزیک بازاڕی شاری کەلار ،بریاری کەمکردنەوەی نرخی وەستانی ئۆتۆمبیلیدا و بە بەردەوامی پڕۆژەکە بەڵام بۆ کارئاسانی و هاوکاری زیاتری هاووڵاتییان لەمڕۆوە تەنیا 500 دینار وەردەگیرێت بۆ هەر وەستانێک لە سەر شەقامەکان.

بەگوێرەی راگەیەندراوی سەرۆکایەتی شارەوانی کەلار، داواکارن لەهاووڵاتییان لەهەر پێشێلکاری و پابەند نەبونێک بەو نرخە ئاگاداریان بکەنەوە.