تۆڕێکی بازرگانیکردن بە مرۆڤ هەڵوەشایەوە
وەزارەتی ناوخۆی عێراق تۆڕێکی بازرگانیکردن بە مرۆڤی هەڵوەشاندەوە
وەزارەتی ناوخۆی عێراق تۆڕێکی بازرگانیکردن بە مرۆڤی هەڵوەشاندەوە و 5 قوربانیی ڕزگار کرد.
ئەمڕۆ یەکشەممە، بەڕێوەبەرایەتی بەرەنگاربوونەوەی بازرگانیکردن بە مرۆڤ، سەر بە وەزارەتی ناوخۆی عێراق، هەڵوەشاندنەوەی تۆڕێکی بازرگانیکردن بە مرۆڤ و دەستگیرکردنی حەوت تۆمەتباری ڕاگەیاند.
لە ڕاگەیەندراوێکدا بەرێوەبەرایەتییەکە بڵاویکردەوە، بەڕێوەبەرایەتی بەرەنگاربوونەوەی بازرگانیکردن بە مرۆڤ لە قەزای کەرخی بەغدا تۆڕێکی هەڵوەشاندەوە و پێنج قوربانییان ئازاد کرد کە لەلایەن ئەم تۆڕەوە بە دیل گیرابوون، هاوکات 7 تۆمەتباریش دەستگیر کران.
لە ڕاگەیەندراوەکەدا ئاماژە بەوەشکراوە، ئۆپەراسیۆنەکە بە ڕێنمایی وەزیری ناوخۆ و بەدواداچوونی بریکاری وەزیری زانیاری و بە سەرپەرشتی بەڕێوەبەری دژە بازرگانیکردن بە مرۆڤەوە ئەنجامدراوە.
