تێلیگرام سڕینەوەی ملیۆنان گرووپ و کەناڵی ڕاگەیاند

لە ڕێگەی زیرەکی دەستکردەوە تێلیگرام توانیویەتی لە سەرەتای ئەمساڵەوە 207 هەزار گرووپی پەیوەندیدار بە تیرۆرست بلۆک بکات.

پلاتفۆڕمی تێلیگرام ڕایگەیاند، لە 13ـی ئەم مانگەدا 519 هەزار گرووپ و کەناڵیان لەسەر پلاتفۆڕەکە بلۆک کردووە، ئەمەش بەرزترین ڕێژەیە کە لە سەرەتای ئەمساڵەوە تا ئیستا تۆمار کرابێت.

هاوکات لە سەرەتای ئەمساڵەوە تا ئێستا تێلیگرام 34 ملیۆن و 900 هەزار گرووپ و کەناڵیان بلۆک کردووە، لەم ژمارەیەش 207 هەزاریان پەیوەندیان بە کار و کردەوەی تیرۆرستی هەبووە.

لە ساڵی 2015ـەوە، چاودێریکردنی کەناڵ و گرووپەکان سکاڵای بەکارهێنەران و چاودێریکردنی فێربوونی ئامێری لەخۆ گرتووە، دواتر لە سەرەتای ساڵی ڕابردوو ئەم هەوڵانە بە ئامرازەکانی چاودێری زیرەکی دەستکرد بەهێزتر کراون.