مەسرور بارزانی: گەرمترین پیرۆزبایی لە خەڵکی خۆشەویستی سلێمانی دەکەم
مەسرور بارزانی، سەرۆکی حکومەتی هەرێمی کوردستان پەیامێکی لە ساڵیادی بنیادنانی سلێمانیدا بڵاوکردەوە
سەرۆکوەزیران مەسرور بارزانی لە ساڵیادی 241 ساڵەی شاری سلێمانی پەیامێکی بڵاوکردەوە و جەختی لە هەوڵەکانی حکومەتی هەرێم بۆ باشترکردنی دۆخی خزمەتگوزارییەکان و خزمەتکردنی زیاتری دانیشتووانەکەی کردەوە.
دەقی ڕاگەیەندراوی مەسرور بارزانی:
لە ساڵیادی بنیاتنانی شاری سلێمانیدا، گەرمترین پیرۆزبایی لە خەڵکی خۆشەویستی شاری سلێمانی دەکەم و هیوای پێشکەوتن و گەشەسەندنی زیاتری بۆ دەخوازم.
سلێمانی وەکوو شارێکی گرنگ و ناوەندێکی دیاریی ڕۆشنبیریی و ئەدەبی و خاوەن مێژوویەکی پر لە سەروەریی لە خەبات و تێکۆشانی گەلی کوردستاندا ، شایستەی خزمەتگوزاریی زیاترە و دڵنیایی دەدەین کە حکومەتی هەرێمی کوردستان،بەردەوام دەبێت لە باشترکردنی دۆخی خزمەتگوزارییەکان و خزمەتکردنی زیاتری دانیشتووانی سلێمانی و گشت شار و ناوچەکانی کوردستان.
مەسرور بارزانی
سەرۆکی حکومەتی هەرێمی کوردستان
