892 قوتابیی دیکە لە زانکۆکانی هەرێمی کوردستان وەرگیراون

بەهۆی کەمیی هەڵبژاردنی زانکۆ و پەیمانگەکانەوە سەدان قوتابی وەرنەگیرابوون، بەڵام بە فەرمانێکی وەزیری خوێندنی باڵا بڕیار درا ئەو قوتابییانە لە زانکۆکان وەربگیرێن.

وەزارەتی خوێندنی باڵا و توێژینەوەی زانستی بڵاویکردەوە، بۆ ئەمساڵی خوێندن (2025-2026) فەرمانی وەرگرتنی  892 قوتابی کە بەهۆی کەمیی هەڵبژاردنی زانکۆ و پەیمانگەکانەوە وەرنەگیرابوون، لەلایەن وەزیری خوێندنی باڵاوە دەرچوو.

لەمبارەیەوە عەباس ئەکرەم گوتەبێژی وەزارەتی خوێندنی باڵا و توێژینەوەی زانستی ئاماژەی بەوەکرد، لەسەر فەرمانی د. ئارام محەممەد قادر، وەزیری خوێندنی باڵا و توێژینەوەی زانستی و بە ئامانجی پێدانی دەرفەت بەوانەی بەهۆی کەمیی هەڵبژاردنەوە وەرنەگیرابوون، وەزارەتی خوێندنی باڵا بڕیاری دا بە وەرگرتنی 860 لە دەرچووانی ئامادەیی زانستی و وێژەیی و 32 لە دەرچووانی پیشەییەکان لە زانکۆکانی هەرێمی کوردستان بۆ ساڵی خوێندنی 2025-2026.