کە باسی ئازادی دەکەیت مەبەست ڕووداوەکەی لالەزار و زیندانیکردنی 3 سەرۆک حزبە؟

بافڵ تاڵەبانی لەبانگەشەی هەڵبژاردنی هەولێر ڕایگەیاند، خەڵکی هەولێر شەقامی پان و باڵەخانەی بەرزی بۆ چییە کە نەتوانن ئازاد بن. ئومێد خۆشناو لەسەر تەواوی قسەکانی هاتە دەنگ و وەڵامی تووندی دەداتەوە.

ئومێد خۆشناو، پارێزگاری هەولێر لە وەڵامی سەرۆکی یەکێتیی نیشتیمانی کوردستان ڕایگەیاند، کە باسی ئازادی دەکەیت مەبەست ڕووداوەکەی لالەزار و زیندانیکردنی 3 سەرۆک حزب و قۆرغکارییەکانی بازاڕ و ئەو دەستبەسەردا گرتنانەیە کە لەلایەن کۆمپانیاکانی حزبەوە دەکرێت.

بەگووتەی ئومێد خۆشناو، شەقام، کارەبا، ئاو،  خزمەتگوزاری تەندروستی و سەرجەم پرۆژەکانی حکومەتی هەرێمی کوردستان گرنگن، ئێوە لەناو حکومەتیش بوون هیچ جێ پەنجەتان دیارنەبووە و پرۆژەتان نەبووە.