دەرچووانی قوتابخانە نێودەوڵەتییەکان لە زانکۆکانی کوردستان وەرگیران 

وەزارەتی خوێندنی باڵا و توێژینەوەی زانستی، ئەنجامی وەرگرتنی دەرچووانی قوتابخانە نێودەوڵەتییەکان لە زانکۆکانی کوردستان بڵاوکردەوە.

ئەمڕۆ یەکشەممە وەزارەتى خوێندنى باڵا و توێژینەوەى زانستى حکومەتى هەرێمى کوردستان بڵاویکردەوە، ئەنجامى وەرگرتنى دەرچووانى قوتابخانە نێودەوڵەتییەکان بۆ ساڵى خوێندنى (2025-2026) کە ژمارەیان 344 دەرچووە لە زانکۆ حکومییەکانى هەرێمى کوردستانە بڵاوکرایەوە.

جێگەی باسە، بۆ وەرگرتنەوەی ئەنجامەکان دەرچووانى قوتابخانە نێودەوڵەتییەکان دەتوانن بە یوزەرنەیم و پاسۆردەکانیان لە ڕێگەى  وێبسایتی regayzanko.com ئەنجامى وەرگرتنیان لە زانکۆکانى کوردستان وەربگرنەوە.