لە بەغداوە پارە گەیشت

گوژمەیەکی دیکەی پارەی گەنمی جووتیاران لە بەغداوە گەیشتە هەرێمی کوردستان و لە بەیانییەوە دەست بە دابەشکردنی دەکرێت.

ئەمڕۆ چوارشەممە وەزارەتی بازرگانی و پیشەسازی لە راگەیەندراوێکدا ئاشکرای دەکات، بڕی 15 ملیار و پێنج سەد ملیۆن دینار وەک شایستەی گەنمی جووتیاران بۆ ساڵی2025 ، خرایە سەر هەژماری وەزارەتی بازرگانی و پیشەسازی.

بەگوێرەی پارێزگاکان پارەکە بەم شێوەیە دابەش دەکرێت:

6 ملیار دینار بۆ سلێمانی.

5 ملیار دینار بۆ هەولێر .

4 ملیار و پێنج سەد ملیۆن دینار بۆ دهۆک.

وەزارەتی بازرگانی ڕاشیگەیاند، سبەی لە هەولێردەست بە دابەشکردن دەکرێت و هەفتەی داهاتووش لە سلێمانی و دهۆک دەست پێدەکات. 

لە بەشێکی دیکەی ڕاگەیەندراوەکەدا هاتووە، بەپێی ڕۆژی ڕادەستکردنی گەنمەکانیان بۆ ئەو جووتیارانەی لە 1 تەن هەتا 50 تەنیان لێ وەرگیراوە شایستەکان وەردەگرن، پاشان ئەوانەی بڕی زیاتریان ڕادەستکردووە وەریدەگرن