هەزارەها پێشمەرگە پلەکانیان بەرزکرایەوە

هەزارەها پێشمەرگە لەخشتەی ئەیلوولی ساڵی 2025 پلەکانیان بەرزکرایەوە، وەزیری پێشمەرگەش پیرۆزبایی ئاڕاستەی پلە بەرزکراوەکان دەکات.

 شۆڕش ئیسماعیل، وەزیری پێشمەرگەی حکومەتی هەرێمی کوردستان، پیرۆزبایی لە 8721  پێشمەرگە و پلەداری وەزارەتی پێشمەرگە دەکات، کە لەخشتەی ئەیلوولی ساڵی 2025 پلەکانیان بەرزکرایەوە.

بەگووتەی شۆڕش ئیسماعیل، دابینکردنی مافەکانی پێشمەرگە و باشترکردنی ژیان و گوزەرانیان، کاری لە پێشینەی حکومەتی هەرێمی کوردستان و وەزارەتی پێشمەرگە و پڕۆسەی چاکسازییە. 

لە درێژەی قسەکانیدا دووپاتیکردەوە، هەموو هەوڵەکانیشیان بەردەوامە کە هێزی پێشمەرگەی کوردستان شایستە بوونی پلەکانیان لە وادەی یاسایی و کارگێڕی خۆیدا بەرزبکرێتەوە.

وەزیری پێشمەرگە داوا لە پێشمەرگە دەکات، لە بەرامبەر بەرزکردنەوەی شایستەی پلەکانیان، دەبێت وەک هەمیشە لە ئەرکی پاراستنی خاک و سنوور و خەڵکی کوردستان بەردەوام بن.