ئەو کەسانەی تازە هاوسەرگیرییان کردووە ئاگادار دەکرێنەوە

بۆ دەرهێنانی پسوولەی نەوت، قائیمقامیەتی قەزای ڕانیە ئاگاداری ئەو کەسانەی تازە هاوسەرگیرییان کردووە دەکاتەوە.

ئەمڕۆ چوارشەممە قائیمقامیەتی قەزای ڕانیە بڵاویکردەوە، ئاگاداری ئەم هاووڵاتییانە دەکاتەوە کە تازە پڕۆسەی هاوسەرگیرییان ئەنجام داوە، سەردانی بەشی خۆراکی ڕانیە بکەن بەمەبەستی دەرهێنانی پسوولەی نەوت.

لە درێژەی بڵاوکراوەکەدا هاتووە، پێویستە کۆپیەکی ڕەنگاوڕەنگی فۆڕمی خۆراکی ماڵی باوکی کوڕەکە و کۆپیەکی ڕەنگاوڕەنگی بەڵێننامەی هاوسەرگیرییان پێبێت بۆ ئەنجامدانی مامەڵەکەیان.